Ka Moʻolelo No ʻUmi
... Aia ma ke kuahiwi a ma ka mauna o Maunakea, a ma uka pono o Kaumāna iho i kai o Hilo, he alanui pōkole ma ke kuahiwi, ʻo ke alanui o Poliʻahu a me ka pūnāwai o Poliʻahu, i luna pono o Maunakea, a iho ma ka ʻaoʻao ma Hilo. He alanui kahiko ia no ko Hāmākua, no Kohala, a me ko Waimea, ke hele ma Hilo. No laila, he alanui pōkole hoʻi e hele ai a hiki i Hilo. No laila, hoʻomākaukau ihola ka piʻi o ka huakaʻi kaua ma Maunakea a iho ma ka ʻaoʻao ma luna o Hilo, a hoʻomoana ihola ma uka pono o ke kahawai ʻo Waiānuenue, me ka ʻike ʻole o ko Hilo poʻe, aia ke kaua ma uka. Akā, ua mākaukau ʻole ko Hilo poʻe aliʻi, a ʻo kekahi kanaka lawaiʻa nui no Puʻueo, aia nō ʻo ia i ka lawaiʻa kolo huki heʻenehu i kai; ʻike ʻo ia i ka lepo o ka wai i ka moana; ua pūʻiwa kona manaʻo, a manaʻo ihola, he kaua aia ma ka mauna, a ʻo ia ke kumu i lepo ai ka wai ...
|